प्रभाग ९ मध्ये भाजपचा प्रचार वेगात; सौ.जयश्री विजय कंदले व अण्णाप्पा पवारांना उत्स्फूर्त प्रतिसाद

तुळजापूर :-(प्रतिनीधी):-  प्रभाग ९ मध्ये भारतीय जनता पक्षाचे उमेदवार सौ.जयश्री विजय कंदले आणि अण्णाप्पा नामदेव पवार यांचा प्रचार प्रसार सध्या जोरदार वेगाने सुरू असून संपूर्ण प्रभागात निवडणुकीचे वातावरण जोर धरू लागले आहे. दररोज सकाळपासून सायंकाळपर्यंत दोन्ही उमेदवार प्रभागातील विविध वस्ती, गल्ली, बाजारपेठ आणि नागरिकसंघटनांना भेट देत मतदारांशी थेट संवाद साधत आहेत.

उमेदवारांनी स्थानिक पातळीवरील पायाभूत सुविधा, स्वच्छता, पाणीपुरवठा आणि नागरिकांच्या दैनंदिन अडचणी सोडविण्यासाठी प्रभावी उपाययोजना राबविण्याचे आश्वासन दिले असून, मतदारांकडूनही त्यांना चांगला प्रतिसाद मिळत आहे. विशेष म्हणजे, प्रत्येक भेटीत महिलांपासून तरुणांपर्यंत मोठ्या संख्येने नागरिक सहभागी होत असल्याने प्रचार मोहीमेला अधिक वेग प्राप्त झाला आहे.

त्या अनुषंगाने भाजप कार्यकर्त्यांचा उत्साहही लक्षणीय वाढला आहे. घर-दार संपर्क, पत्रक वितरण, लहान सभांपासून ते सोशल मीडिया प्रचारापर्यंत प्रत्येक स्तरावर कार्यकर्ते सक्रिय असल्याचे दिसून येत आहे. यामुळे प्रभाग ९ मध्ये भाजपची ताकद अधिक मजबूत असल्याची चिन्हे स्पष्ट दिसत आहेत.

पक्ष पदाधिकाऱ्यांच्या मते, प्रभागात सध्या निर्माण झालेल्या सकारात्मक वातावरणामुळे आगामी निवडणुकीत जयश्री कंदले आणि अण्णाप्पा पवार यांना मोठ्या मताधिक्याने यश मिळेल, असा विश्वास व्यक्त केला जात आहे.